ازاى نرجع ليك لو انت مرجعتش لينا وبرجعوك ترجعنا تانى ليك؟؟؟ ده مش كلام وبس ده احساس وافعال بنقولها ليك يارب وبعدين اشمعنا احنا اللى هنرجع لوحدينا كده وغير كل ده وده انت بصفتك اله قدير انت تقدر تغير الارداه ولو احنا كنا فى اوقات مش عايزينك انت تخلينا نعوزك طالما انت قادر على كدا اعمل يارب فينا مهو الخروف الضال لما تاه من الراعى معرفش يرجع لوحده بس الراعى مسكتش ساب ال 99 وراح عشان يدور عليه وبالفعل رجع بيه واحنا زيه ممكن يكون الابن الضال عكس الخروف الضال الابن الضال عرف طريقه وقدر يغلب يائسه ورجع ليك لوحده بس الخروف مكنش ينفع يرجع من نفسه كان لازم الراعى بتاعه يدور عليه ويرجع وهو على كتفه عموما احنا فينا وفينا وفى مننا اللى مش عارف هو مين فى الاتنين بس برضوا فى الاول والاخر احنا ولادك وملزومين منك ولازم هترجعنا ليييييييييييك